គាំទ្រជម្រើសជាតិយើង! Support our National Team!

គាំទ្រជម្រើសជាតិយើង!
កំណាព្យ


ទោះឈ្នះ-ស្មើ-ចាញ់ === ទឹកចិត្តស្រឡាញ់ ===គ្មានថ្ងៃកែប្រែ
ព្រោះយើងបានកើត === កំណើតជាខ្មែរ ===ត្រូវស្ម័គ្រស្មោះស្នេហ៍
ក្រុមជម្រើសជាតិ។

គ្រប់វិនាទី === ជនទី១២ ===ប្រឹងប្រែងខ្មីឃ្មាត
ចូលរួមគាំទ្រ === សាទរព្រោងព្រាត === រុញជម្រើសជាតិ
ជ័យលើទីលាន។

សង្គ្រាមបាល់ទាត់ === គ្មានការប្រាស់ព្រាត់ === បែងចែកក្រមាន
មិនចងគំនុំ=== គួនគុំឈ្លានពាន === មិត្តភាពជាស្ពាន
តាមច្បាប់កីឡា។

ទង់ជាតិខ្មែរយើង === បក់រវិចឡើង === អំណាចអស្ចារ្យ
អស់អ្នកគាំទ្រ === ទឹកចិត្តហានក្លា === ម្នាក់ៗស្រែកថា
ស៊ូស៊ូឈ្នះឈ្នះ៕

ភ្នំពេញ, ថ្ងៃទី៤ ខែមិថុនា ឆ្នាំ២០១៦
ដោយ អ៊ឹង ចំរើន